ने. सं. ११४४ कौलाथ्व पारू - नःलास्वनेगु

रङ गोदाम व मूर्ति कारखाना मिं नल

यल – थनया सातदोबाटोय् च्वंगु छगू रङ पसः मिं नःगु दु। म्हिगः ११ः३० बजे दिनेश पण्डितया जग्गाया टहराय् तयातःगु रमेश व्यञ्जनकारया रङ गोदाम मिं नःगु खः।

उगु टहरा दुने दुगु नसीब अन्सारीया मूर्ति कारखाना नं च्याःगु खँ महानगरीय प्रहरी वृत्त सातदोबाटोया प्रहरीं धाःगु दु। मिं नयाः टहरा, रङ गोदाम व मूर्ति कारखाना यानाः २५ लाख तकाया क्षति जूगु अनुमान प्रहरीं याःगु दु। प्रहरी व यल महानगरपालिकाया दमकलं ग्वाहालि मि स्याःगु खः।