
येँ – येँ–निजगढ फास्ट ट्र्याकय् भारतीय कम्पनी आईएल एन्ड एफएसं आयोजनाया विस्तृत प्रतिवेदन (डीपीआर) दयेकूगु वापत थःपिंत ध्यबा मबिउगु धासें क्षतिपूर्ति माग याःगु दु । एफएसं डीपीआर दयेकूगु वापत ३ अर्ब १३ करोड ६० लाख तका क्षतिपूर्ति माग यासें भौतिक पूर्वाधार तथा यातायात मन्त्रालयय् उजुरी दर्ता याःगु खः ।
भारतीय कम्पनीं फास्ट ट्र्याक निर्माण याकेबीमाःगु व मबीगु खःसा डीपीआर न्यायेमाःगु, मखुसा क्षतिपूर्ति बीमाःगु माग यासें उजुरी तःगु खः । भारतीय कम्पनीं क्षतिपूर्तिया उजुरी तये धुंकाः मन्त्रालयं न्हय्म्ह दुजः दुगु अध्ययन समिति नीस्वंगु खः । स्ववाः न्ह्यः नीस्वंगु उगु समितिं अध्ययन प्रतिवेदन भौतिक पूर्वाधार तथा यातायात मन्त्री रघुवीर महासेठयात लःल्हायेधुंकूगु दु ।
भारतीय कम्पनीं क्षतिपूर्ति मबिल धाःसा अदालतय् मुद्दा तयेगु ख्याच्वः बिउगु दु । भारतीय कम्पनीं तयार याःगु डीपीआरया कथं फास्ट ट्रयाकया लागत १ खर्ब १२ अर्ब तका तुइगु अनुमान यानातःगु खः । तत्कालिन प्रधानमन्त्री पुष्पकमल दाहाल नेतृत्वया सरकारं २०७४ साल वैशाख २१ गते फास्ट ट्र्याक दयेकेगु जिम्मा नेपाली सेनायात बिउगु खः ।
LEAVE YOUR COMMENTS