पोल्ट्री दिवस न्यायेकल

येँ –  चितवनय् थीथी ज्याझ्वः यासें खुक्वःगु पोल्ट्री दिवस न्यायेकूगु दु । नेपालय् न्हापांखुसी आधुनिक पोल्ट्री सुरु जूगु न्हि वि.सं. २०१७ पुस १७ गतेयात माने यानातःगु दु । उकि दँय्दसं पुस १७ गतेयात पोल्ट्री दिवस कथं हनेगु याना वयाच्वंगु दु । पोल्ट्री दिवस न्यायेकेगु झ्वलय् म्हिगः भरतपुर अस्पताल व बिपी कोइराला मेमोरियल क्यान्सर अस्पतालय् वासः याकाच्वंपिं विरामी व थःथितिपिंत ख्येँ इनाबिउगु खः ।

नेपाल कुखुरा व्यवसायी मञ्चया महासचिव डा. रेवन्तकुमार भट्टराईं निगुलिं अस्पतालय् यानाः निद्वःगः ख्येँ सितिकं इनागु खँ कनादिल ।
थ्व झ्वलय् भरतपुर अस्पतालय् मेडिकल सुपरिटेण्डेन्ट डा. कृष्ण पौडेल व फिजिसियन डा. भोजराज अधिकारीं ख्येँ व खाया लाय् दइगु तत्व गज्याःपिं विरामीतय् निंतिं आवश्यक जुइ धयागु जानकारी बियादिल ।

थौंकन्हय् नेपालय् न्हिं ३५ लाखगः खाया ख्येँ उत्पादन जुयाच्वंगु दु । अथेहे लेयर्स चल्ला वाःया निगू लाख ५० हजार, ब्रोइलर चल्ला वाःया २७ लाख गः उत्पादन जुयाच्वंगु दु

थौंकन्हय् नेपालय् न्हिं ३५ लाखगः खाया ख्येँ उत्पादन जुयाच्वंगु दु । अथेहे लेयर्स चल्ला वाःया निगू लाख ५० हजार, ब्रोइलर चल्ला वाःया २७ लाख गः उत्पादन जुयाच्वंगु दु । अथेहे खाया दाना न्हि ३ हजार मेट्रिक टन उत्पादन जुयाच्वंगु दु । खाया ला न्हिं ९ लाख किलो उत्पादन जुयाच्वंगु दु ।

पोल्ट्री व्यवसायय् १ लाख ७० हजार म्हेसित प्रत्यक्ष रोजगारी बियाच्वंगु खँ नेपाल कुखुरा व्यवसायी मञ्चया महासचिव डा. रेवन्त भट्टराईं धयादीगु दु । वय्कःया कथं पोल्ट्री व्यवसायं राष्ट्रिय आयय् ४ प्रतिशत योगदान बियाच्वंगु दु ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन