स्लोभाकिया भाग्यमानी विजय चूलाकल

एजेन्सी – युरो कप २०२० य् सेन्ट पिटर्सवर्गय् जूगु स्लोभाकियां पोल्यान्डविरुद्ध भाग्यमानी विजय चूलाकूगु दु । झिम्ह सीमित पोल्यान्डयात स्लोभाकिया २–१ गोलं बुकूगु खः ।

समूह ईया सोमवाः बहनी जूगु कासाया ६९ औं मिनेटय् मिलान स्क्रिनियरं बक्स दुने हल्का प्रहार यानाः गोल यासें स्लोभाकियायात ऐतिहासिक विजय चूलाकाबिउगु खः । स्लोभाकियां कासाया १८ औं मिनेटय् पोल्यान्डया गोलकिपरं हे याःगु आत्मघाती गोलया कारणं अग्रता काःगु खः । तर निगूगु हाफ सुरु जूगु २ मिनेट हे मजाःनिवं कारोल लिनेट्टें गोल यासें पोल्यान्डयात बराबरीइ हःगु खः ।

तर कासाया ६२ औं मिनेटय् पोल्यान्डया मिडफिल्डर ग्रेजेगोर्ज क्रेचोइक निगू म्हासुगु कार्ड नयाः मैदानं पिहां वनेवं स्लोभाकिया भाग्य हाकनं चाल । पोल्यान्ड झिम्हय् सीमित जूगुया लबः कासें न्हय्गू मिनेट दुने हे स्लोभाकियां थप छगू गोल यात । स्क्रिनियरया थ्व गोलया हे ग्वाहालिं स्लोभाकियाया विजयया निंतिं कुगात ।

थ्वयां न्ह्यव जूगु मेगु कासाय् चेक रिपब्लिकं स्कटल्यान्डयात २–० गोलं बुकल । चेकया निंतिं प्याट्रिक स्चिकं याःगु खः ।

सम्बन्धित बुखँ

LEAVE YOUR COMMENTS