मुक्तिनाथ बैंक व नेको इन्स्योरेन्सं हकप्रद व बोनस शेयर बीगु

येँ – मुक्तिनाथ विकास बैंक व नेको इन्स्यारेन्सं चुक्ता पुँजी वृद्धिया निंतिं बोनस व हकप्रद शेयर बीगु जूगु दु । मुक्तिनाथ विकास बैंकं २० प्रतिशतया ल्याखं हकप्रद बीत्यंगु दु । थुकिया निंतिं बैंकं साउन ३१ गते बुक क्लोज यायेत्यंगु दुसा साउन ३० गते तक कायम शेयरधनीतय्सं हकप्रद शेयर कायेखनी ।

बंैकं ६१ लाख २९ हजार हकप्रद पितबीत्यंगु खः । बैंकया आःया चुक्ता पुँजी ३ अर्ब ६ करोड दुसा हकप्रद लिपा चुक्तापुँजी प्यंगू अर्ब थ्यनी ।
मेखे नेको इन्स्यारेन्सं १२ प्रतिशत बोनसउ शेयर बीगु जूगु दु । बोनसया निंतिं साधारण सभां धाःसा पारित याये ल्यं दनि ।

नेकों वइगु भदौ १४ गते साधारण सभा यायेत्यंगु दुसा थुकिया निंतिं भदौ ३ गतेनिसें बुक क्लोज यायेत्यंगु दु । भदौ २ गते तक कायम जूपिं शेयरधनीतय्सं बोनस शेयर कायेखनी । नेकोया थौंकन्हय् १ अर्ब १७ करोड चुक्ता पुँजी दुसा बोनस बीधुंकाः १ अर्ब ३१ करोड चुक्तापुँजी थ्यनी ।