प्रेस काउन्सिलया ऐन व गोपनीयताया हकसम्वन्धी अन्तक्रिया

येँ – प्रेस काउन्सि नेपालं ‘काउन्सिल ऐन, गोपनीयताया हकसम्वन्धी ऐनया’ मस्यौदायात कयाः छगू अन्तक्र्रिया ज्याझ्वः यात ।
ज्याझ्वलय् नवासें मुख्य न्यायाधिश रमेश पोखरेलं प्रेस काउन्सिल नेपाल सपलीकरण यायेमाःगु स्वअनुगमन प्रभावकारी यायेमाःगु व उजरी वःगुयात उजुरीयात सुनुवाई यायेफु धासें कलम त्वःधुलिगु व छ्यं क्वःछुइगु अवस मवइकथं देय्यात ल्वयेक कानुन दयेकेमाःगु आवश्यक जू धयादिल ।

काउन्सिलया थःगु हे सभाकक्षय् जूगु अन्तरक्रियाय् प्रेस काउन्सिलया पुलांम्ह अध्यक्ष बोर्णबहादुर कार्कीं पत्रकार स्वच्छेचारी जुल धइगु खँ वयाच्वंगुलिं हे जक प्रेस कानुन ऐन–२०४८’ वःगु खँ न्ह्यथनादिसें आतक गनं हे ‘सोसियल मिडिया’ बारे कानुन दयेकूगु मदुनि धयादिल ।
पत्रकारयात जिम्मेवार व मर्यादित दयेकेत न्हूगु ऐन कानुनया आवश्यकता दुगु, समस्या क्यनेगु तर उकिया समाधानया कुतः यायेगु बानी मदुगु व पत्रकार कोष स्वनाः काउन्सिलयात आर्थिक रुपं थप स्वायत्त दयेके फइगु विचाः वय्कलं प्वंकादिल ।

काउन्सिलया कार्यवाहक अध्यक्ष किशोर श्रेष्ठं भदौंनिसें लागु जुइकथं कानुन दयेकेगु प्रक्रिया न्ह्यानाच्वंगु खँ कनादिसें न्हय्गुलिं प्रदेशय् काउन्सिल गठन यानाः प्रेस पास इनेगु ज्या नं न्ह्याकेत्यनागु जानकारी बियादिल ।

नेपाल पत्रकार महासंघया पुलांम्ह अध्यक्ष नापं नेपाल टेलिभिजनया अध्यक्ष डा. महेन्द्र विष्टं ‘सेल्फ सेन्सरशीप’ जुइकथंया कानुन हये मजिउ धासें सकलें जानाः ऐन संशोधन यायेगु व काउन्सिलया नियुक्ति उच्च तहपाखें यायेमाः धयादिल ।

ज्याझ्वलय् नेपाल पत्रकार महासंघया अध्यक्ष गोविन्द आचार्य, वरिष्ठ पत्रकार अश्वस्थामाभक्त खरेल, अनलाइन पत्रकार संघया अध्यक्ष प्रवेश सुवेदी, नेपाल प्रेस इन्ष्टिच्युटया अध्यक्ष तीर्थ कोइराला, मिडिया एक्सनया अध्यक्ष लक्ष्मणदत्त पन्त, उपत्यका प्रहरी परिसरया एसपी रामदत्त जोशी, वरिष्ठ पत्रकार देवेन्द्र चुडाल, पत्रकार टेकराज थामी, सुरेन्द्र नेपाली, महेश श्रेष्ठ, टंक कार्की लगायतं नं नुगःखँ तयादीगु खः ।

सम्बन्धित बुखँ

LEAVE YOUR COMMENTS