प्रदेश प्रमुखपिंत सांसदतय् नांधलः लःल्हात, आइतवाः ११ बजे दुने शपथ ग्रहण याकेत इनाप
येँ– निर्वाचन आयोगं न्हय्गुलिं प्रदेश प्रमुखपिंत प्रदेश सभा निर्वाचनया अन्तिम लिच्वःसहितया प्रतिवेदन लःल्हाःगु दु । थौं सनिलय् प्रदेश प्रमुखपिनि शपथ ग्रहण लिपा प्रमुख निर्वाचन आयुक्त डा. अयोधीप्रसाद यादवं राष्ट्रपति कार्यालय शीतल निवासय् हे प्रदेश प्रमुखपिंत प्रतिवेदन लःल्हानादीगु खः । प्रतिवेदन लःल्हासें प्रदेश सभा सदस्यपिंत आइतवाः सुथय् ११ बजे तकया दुने शपथ ग्रहण याकादीत नं प्रदेश प्रमुखपिंत इनाप यानादीगु खः ।
थ्वयां न्ह्यः राष्ट्रपति विद्यादेवी भण्डारीं नवनियुक्त प्रदेश प्रमुखपिंत पद तथा गोपनियताया शपथ ग्रहण याकादीगु खः । राष्ट्रपति निवास शीतल निवासय् विशेष समारोहया दथुइ प्रदेश १ या प्रमुख डा. गोविन्द तुम्बाहाङ, प्रदेश २ या रत्नेश्वरलाल कायस्थ, प्रदेश ३ या अनुराधा कोइराला, प्रदेश ४ या बाबुराम कुँवर, प्रदेश ५ या उमाकान्त झा, प्रदेश ६ या दुर्गाकेशर खनाल व प्रदेश ७ या मोहनराज मल्लपिंत शपथ ग्रहण याकूगु खः ।
किपा-रासस
LEAVE YOUR COMMENTS