ख्वपया सूर्यविनायकय् सतक विस्तार शुरु

ख्वप -थनया सूर्यविनायक चोकनिसें सूर्यविनायक गणेद्यःयाथाय् तक वनेगु लँय् सतक विस्तार शुरु याःगु दु । न्हियान्हिथं सतक जाम जुइगु जुइवं उगु लागाय् सतक अतिक्रमण यानाः दयेकातःगु संरचना चिइकाः सतक विस्तारया ज्या न्ह्याकूगु खः ।

सूर्यविनायक नगरपालिका वडा नं. ६ व ८या सिमानाय् लाःगु सतकखण्डय् मापदण्ड अःखः दयेकातःगु स्थानीयवासीया छेँ, पःखाः, टहरा, पेटी आदि थुनेगु ज्या न्ह्याकूगु खः । ६ वडाअध्यक्ष रामेश्वर ध्वजु व ८ वडाअध्यक्ष किरण थापाया पहलय् अतिक्रमण यानातःगु सतकया संरचना थुनाः सतक विस्तार यायेगु ज्या न्ह्याकूगु खः ।