विदेश वनीपिं विद्यार्थीयात थप शुल्क

येँ – उच्च शिक्षाया निंतिं विदेश वनीपिं विद्यार्थीयाके थप कर काइगु जूगु दु । वइगु दँया बजेटं मार्फत उच्च शिक्षा अध्ययनया निंतिं विदेश वनीपिं नेपाःया विद्यार्थीयात भ्याट व २ प्रतिशत शिक्षा सेवा शुल्क कायेत्यंगु खः । थ्व स्वयां न्ह्यः विदेश अध्ययन याः वनीपिं विद्यार्थीयाके विदेशी ध्यबा हिलेबलय् १ प्रतिशत सेवा शुल्क कायेगु यानाच्वंगु खः ।

थुगुसीया आर्थिक विधयेक २०७५ स ‘विदेशय् अध्ययन याः वनीपिं विद्यार्थीयात शिक्षण शुल्क वापत विदेशी मुद्रा हिलेगु सुविधा बीबलय् अज्याःगु ध्यबाय् निगू प्रतिशत शिक्षा सेवा शुल्क खँ न्ह्यथनातःगु दु । अथेहे आः शैक्षिक परामर्श उपलब्ध याकीगु कन्सल्ट्यान्सीयात नं भ्याटया दायराय् हःगु दु । कन्सल्ट्यान्सीं विद्यार्थीयात परामर्श बिउगु वापत काइगु शुल्कय् नं १३ प्रतिशत भ्याट पुलेमालीगु जूगु दु ।
थौंकन्हय् युरोपियन देशय् उच्च शिक्षा अध्ययन याः वनीपिं नेपाःया विद्यार्थीयात कन्सल्ट्यान्सीं १ हजार डलर सेवा शुल्क कायेगु यानाच्वंगु दु । युरोपियन देशया शैक्षिक संस्थां उच्च शिक्षा अध्ययनया निंतिं नेपाःया विद्यार्थी

छ्वयेबलय् कमिसन मबिउगुलिं नेपाःया विद्यार्थीयाके हे उगु सेवा शुल्क कायेगु यानाच्वंगु खः । मेगु देय्या हकय् धःसा २५ हजार तक सेवा शुल्क कायेगु क्वःछिनातःगु दु ।

सम्बन्धित बुखँ

LEAVE YOUR COMMENTS