ख्यालि न्हिली

छम्ह डाक्टरयाथाय् छज्वः बाज्यः वंपिं कलाःभाःत वल । कलाःम्हं कन कि वया भाःतया स्वास्थ्यय् थुखे छुं ई दत, बरोबर हे खराब जुइगु जुयाच्वंगु दु । अले वं डाक्टरयात बांलाक जांच यानाबिउ धकाः इनाप नं यात ।
डाक्टरं जांच शुरु यात । जांचया झ्वलय् वं भाःतम्हेसिके गुलि नं खँ न्यन, उकिया लिसः कलाःम्हं बियाच्वन । अन्तय् छुं छुं न्ह्यसः थज्याःगु तयेमाःगु जुल, गुगु कि कलाःम्हेसिया न्ह्यःने न्यनेत डाक्टरयात मछिं ताल । वं कलाःम्हेसित पलख पिहां वनाबीत इनाप यात । व पिहां वने धुंकाः डाक्टरं सिल कि भाःतम्ह ला लाता धकाःसा जुयाच्वन । वयागु कण्ठनलिइ छुं अज्याःगु विकार दुगु जुयाच्वन, गुकिं यानाः वं नवाये मफु ।
डाक्टरं कलाःम्हेसित दुने सःतल अले दुःख व्यक्त यायेगु सलं धाल— ‘छिमि भाःत लाता धयागु खँ ला जिं सि हे मसिउ ।
कलाःम्हं तसकं अजू चाया धाल— ‘थ्व खँ ला जिं नं मसिउ ।’

नेपालभाषा टाइम्स

च्वमिया मेमेगु

• भाषासेवी विष्णु चित्रकार मंत, कन्हय् जगतसुन्दर ब्वनेकुथिइ अन्तिम श्रद्धाञ्जलीया निंतिं तइगु
• कुमारी छेँया त्वरं पुनर्स्थापना (भिडियाे रिपाेर्ट)
• बोस्टनय् सक्वया सम्पदाया चित्रकला ब्वज्या
• एनपीपीएया नायः पदय् शान्ति श्रेष्ठ
• समाजसेवी दिलबहादुर मानन्धर मंत