ख्यालि न्हिली

शिक्षक ः छगः टोकरीइ झिंन्यागः स्याउ दु, उकीमध्ये स्वंगः स्याउ ध्वगित । का, आः धा ग्वःगः स्याउ ल्यं दनि ।
पप्पु ः सर, झिंन्यागः हे ।
शिक्षक ः व गथे जुयाः सम्भव जुइ ?
पप्पु ः ध्वगीसां व स्याउ हे जुइनि, अँ वा सन्त्रासि ला जुइमखु नि ।
ह्ह्ह्
महेश छगू मोबाइल कम्पनीइ जागिरया निंतिं अन्तर्वार्ता बीत वन । वयात अन मालिकं न्ह्यसः न्यन, ‘दकलय् तःधंगु नेटवर्क छु खः ?’
महेशं धाल, ‘कार्टुन नेटवर्क !’
ह्ह्ह्
मिसा ः छं न्ह्याबलें छगू हे जक रंगया लः फिनाः चाःहिलाच्वनी । छंत भचा नं मछिं मजू ला ?
मिजं ः माफ यानादिसँ, थ्व जिगु अफिसया युनिफर्म खः । फेसनया निंतिं पुनेगु वसः मखु ।
ह्ह्ह्
यदि ‘कलाः’ छेँया लक्ष्मी खःसा ‘गर्लफ्रेन्ड’ हाकुगु धन खः ।