
येँ – वंगु वालय् निगू अर्ब च्यागू करोड ७३ लाख ५१ हजार तका बराबरया शेयर न्यायेमी जूगु दु । नेपाल स्टक एक्स्चेन्जया कथं मुक्कं १८३ गू कम्पनीया ४७ लाख ४४ हजार ८१० कित्ता शेयर न्यायेमी जूगु खः । वंगु वाःया शेयर कारोवार दां थ्वयां न्ह्यवया स्वयां ८.५६ प्रतिशतं अप्वः खः ।
थ्वयां न्ह्यःया वालय् नं १८३ गू कम्पनीया छगू अर्ब ९२ करोड २७ लाख ३१ हजार तका बराबरया ४१ लाख ३७ हजार ४३० कित्ता शेयर न्यायेमी जूगु खः । अथेहे नेप्से परिसूचक २५ अंकं थहां वनाः १३०७.६६ अंकं थ्यंगु दु । ‘क’ वर्गया कम्पनीया कारोवार मापन याइगु सेन्सेटिभ इन्डेक्स नं न्हापांगु न्हिया तुलनाय् १.१७ अंकं थहां वनाः २७५.२८ अंकय् थ्यंगु दु ।
कारोवार दांया ल्याखं नेपाल बैंक लिमिटेड न्ह्यःने लाःगु दु । नेपाल बैंकया न्हय्गू करोड ५४ लाख ९० हजार तका बराबरया शेयर कारोवार जूगु खः । अथेहे शेयर ल्याःया ल्याखं सिटिजन्स बैंक न्ह्यःने लाःगु दु । सिटिजन्सया स्वंगू लाख ३७ हजार कित्ता शेयर कारोवार जूगु खः ।
थ्व वालय् सिभिल बैंकया २ करोड ७ लाख ४० हजार ८८४ कित्ता हकप्रद, एभरेस्ट इन्स्यारेन्सया १ लाख २१ हजार ५०० कित्ता बोनस, एनएलजी इन्स्यारेन्सया १ लाख २८ हजार ८१२ कित्ता बोनस, नेपाल लाइफ इन्स्योरेन्सया १ करोड ३० लाख ५ हजार कित्ता बोनस व साना किसान विकास लघुवित्तया १२ लाख ५७ हजार ६५५ कित्ता बोनस शेयर सुचीकृत जूगु दु ।
LEAVE YOUR COMMENTS