सगरमाथा जःखः ८ टन फोहोर !

येँ -थुगुसी स्वसःम्ह स्वयां अप्वः आरोहीतय्सं सगरमाथाया च्वकाय् पलाः तल । तर उपिं मध्ये अधिकांश आरोहीतय्सं थःपिंसं ज्वना वंगु फोहोर अन हे त्वःता थकूगु खँ आरोहीतय्सं हे कंगु दु । सरकारं उमित लिहां वयेबलय् फोहोर नं लित ज्वना वल धाःसा वहे कथं कर छुट बीगु व्यवस्था याना तःसां अप्वःस्यां फोहोर लित महःगु खँ धाःगु दु । सगरमाथा लागाय् मनूतय्सं ज्वना वंगु सिलिण्डर, क्यान, च्व–खि समेत यानाः थौंकन्हय् ८ टन फोहोर मुनाच्वंगु खँ धाःगु दु ।