छेँज्या याइपिंत नं वालय् छन्हु बिदा

येँ – छेँय् जा थुइत, वसः हीत, क्यब बांलाकेत ज्या याइपिं मनू (घरेलु कामदार) तया तइगु दुसा बिचाः यानादिसँ, आः उमित नं हप्ताय् छन्हु बिदा बी हे माःगु श्रम नीति सरकारं हःगु दु । छेँज्या याइपिंत छेँथुवाःतय्सं छन्हु हे बिदा मबिसे न्हिंन्हिं ज्या जक याका तइगु जूगुलिं वालय् छन्हु अनिवार्य बिदा व मेगु १२ न्हु पर्व बिदा बीमाःगु नियम हःगु खः ।

लिसें उमित बीगु तलब नं आवंलि बैंक मार्फत बीमाःगु नियम नं हःगु दु । बैंकं तलब बीमाःगु थ्व व्यवस्थां छेँय् ज्या याइपिंत नियमित रुपं तलब बीगु याना तःगु दु वा मदु धइगु खँ सी दइगु खँ धाःगु दु ।