हाकनं पेट्रोलया भाः थहां वन

येँ नेपाल आयल निगमं पेट्रोलियम पदार्थया भाः हाकनं थकाःगु दु । अन्तर्राष्ट्रिय बजाः कथं पेट्रोलियम पदार्थया भाः समायोजन यायेगु निंतिं भाः थकायेमाःगु खँ धाःगु दु ।
थनिंनिसें लागू जुइकथं पेट्रोल, डिजेल व मचिकंया भाः थकाःगु खः । निगमं पेट्रोलय् लिटरय् छतका, डिजेल व मचिकनय् लिटरय् नितका भाः थकाःगु खः ।
भाः थहां वनेवं आः पेट्रोल लिटरया १०३ तका थ्यंगु दुसा मचिकं व डिजेल लिटरया ८१ तका थ्यंगु दु ।