लाइभ म्युजिकल इभिनिङया सक्सेस पार्टी

येँ – गायिका दीपा महर्जनया याकः शो कथं जूगु ‘लाइभ म्युजिकल इभिनिङ’ ताःलाःगु लसताय् शुक्रवाः ‘सक्सेस पार्टी’ जुल ।
ग्वसाः खलः सुखावति मल्टि प्रोडक्सनपाखें थनया प्याफलय् च्वंगु द्वारिका छेँ (वल्र्ड हेरिटेज होटल एण्ड अपार्टमेन्ट)य् जूगु पार्टीइ म्युजिकल इभिनिङया निंतिं ग्वाहालि यानादीपिंत सम्मानित नं याःगु खः ।

ज्याझ्वलय् इमेज च्यानलया निर्देशक रघुवरभक्त मानन्धरं म्ये हालामि दीपा महर्जनया लिसें वय्कःयात साथ बियादीपिं मेपिं म्येँ हालामि, बाजं थानादीपिं, मेकअप आर्टिस्ट, गायिकाया लँ डिजाइनर, प्रायोजकपिं, प्रचारप्रसारय् ग्वाहालि यानादीपिं, सह आयोजकपिंत खादां क्वखायेकाः हनादीगु खः ।

सक्सेस पार्टीइ वरिष्ठ हास्यकलाकार मदन कृष्ण श्रेष्ठया लिसें ग्वसाः खलः, म्ये हालामिपिनि उपस्थिति दुगु खः । सक्सेस पार्टी समाजसेवी विश्वरत्न तुलाधरया प्रायोजनय् जूगु खः ।