रणवीर तसकं ह्याण्डसम

बलिउड नायक संजय दत्तया बायोपिक फिल्म ‘सन्जु’यात कयाः व्यापक चर्चा जुयाच्वंगु दु । फिल्म प्रदर्शनय् वयेगु ला छु, शुटिंग जुइ न्ह्यः हे उकिया चर्चां सफलताया च्वका गयाच्वंगु दु ।

फिल्मय् संजय दत्तया भूमिकाय् खने दयेकः वयेत्यंम्ह रणवीर कपुरयात कयाः नं उलि हे चर्चा जुयाच्वंगु दु । फिल्मया नापनापं उकिया नायकव नायिकाया चर्चा व्यापक जुयाच्वंगु इलय् फिल्मया मेम्ह कलाकारया नं चर्चा जूगु दु । उम्ह कलाकार खः दक्षिण भारतीय अभिनेत्री अदिति गौतम ।

सन्जु संकिपाय् वयागु भूमिका संजय दत्तया केहें प्रिया दत्ताया खः । फिल्मया छगू संवादय् अदितिं रणवीरयात ‘भैया’ धकाः संबोधन यायेमाःगु खः। अदितिया धापू दु, ‘फिल्मय् जिं रणवीरयात थः दाजु माने यायेमाः । गुगु जिगु निंतिं तसकं थाकूगु खँ खः । जिं वयात ‘भैया’ धकाः नवायेमाःगु खःसा व जितः तसकं थाकुयाच्वंगु दु ।’

अदितिया कथं रणवीर तसकं ‘ह्याण्डसम’ उकिं जिं वयात अथे धाये हे फयाच्वंगु मदु । म्हुतुं भैया खँग्वः हे पिहां वयाच्वंगु मदु । अडियो रेकर्डिस्टं नं जितः भैया धाइबलय् चिसः जुल धका तसलं धायेत धयाच्वनीगु अदितिया धापू दु ।

सम्बन्धित बुखँ

LEAVE YOUR COMMENTS