ब्रेकअपया तनावं मुक्त

भारतीय संचारमाध्यमय् थौंकन्हय् छम्ह पाश्र्व गायिका तसकं चर्चाय् वयाच्वंगु दु । उम्ह पाश्र्व गायिका खः नेहा कक्कड । बलिउड संकिपाया चर्चित म्येँ हालामि नेहा भारतीय संचारमाध्यमय् चर्चाय् वयाच्वंगु कारण खः वयागु ब्रकेअप । भारतीय फिल्म उद्योगय् सेलिब्रिटीत धमाधम इहिपा सम्बन्धय् गथः चिना वनाच्वंगु इलय् नेहाया ब्रेकअप गाक्कं चर्चाय् वयाच्वंगु दु । नेहाया ब्रकेअपं वया प्रशंसकत नं निराश जुयाच्वंगु खः ।

नेहा कक्कड स्वयम थम्हं हे कलाका हिंमाशु कोहलीलिसेया थःगु सम्बन्ध त्वाःदःगु पुष्टि याःगु खः । निम्हेसिया प्रेम सम्बन्ध खास हे उलि चर्चाय् मवःसां ब्रेकअपया खबरं धाःसा भारतीय संचारमाध्यमयात गाक्कं क्वाका बिउगु खः । तर आः धाःसा नेहा उगु सम्बन्धं तापाक च्वनेधुंगु संकेत थः प्रशंसकतय्त बिउगु दु । नेहां च्वःगु दु कि, ‘जक मिसातय्के अझ अप्वः सुन्दरता खने दया वइ, इमित माया याइपिं नं अप्वइ, अले बांलाःगु व्यवहार नं याइ ।’

नेहाया थ्व धापुतिं हिमांशुलिसेया ब्रेकअपया घटना मुक्त जुइत स्वःगु संकेत खः धकाः वया प्रशंसकतय्सं थुइका हःगु दु । ब्रेकअप लिपा नेहां नेहा व हिमांशुलिसेया दक्वं फोटो व भिडियो नं सामाजिक संजालं लिकयाछ्वःगु खः ।

नेपालभाषा टाइम्स

च्वमिया मेमेगु

• भ्वँतय् न्हापांखुसी नेपालभाषा साहित्य तःमुँज्या
• न्हूदँया लसताय् येँ–चौतारा मोटरसाइकल र्‍याली
• संस्कृतिविद् गणेशराम लाछिया ७५ क्वःगु बुन्हि हन
• लुँया भावय् न्हूगु कीर्तिमान
• नेपालय् न्ह्यानाच्वंगु जुजुवादी आन्दोलन, भारतीय हिन्दूत्वया लिच्वः