डल्लुइ ल्वहंहिति पुनःनिर्माण

येँ (नेपालभाषा टाइम्स) – येँ महानगरपालिका वडा नं. १५ डल्लु चौताराय् ल्वहंहितिया निर्माण सम्पन्न जूगु दु। उगु ल्वहं हितिया आः नकतिनि येँ क्षेत्र नं. ८या विघटित प्रतिनिधिसभा सदस्य जीवनराम श्रेष्ठं उलेज्या यानादिल ।

स्थानीय ज्येष्ठ नागरिक प्रेम मानन्धरया सभापतित्वय् जूगु ज्याझ्वलय् नवासें मूपाहां श्रेष्ठं येँ देय्यात सांस्कृतिक सहर दयेकेमाःगु खँय् बः बियादिल । लिसें वय्कलं येँ देय्या पहिचान कायम यायेत व पर्यटन उद्योगया विकासया निंतिं थम्हं हनुमानध्वाखा लाय्कूनिसें स्वयम्भू तकया लँपुयात  सम्पदामार्ग दयेकेग योजना न्ह्यःने न्ह्याकेगु ज्या जुइधुंकूगुलिं थ्व ज्या नं उकिया हे छगू अंगया रुपय् विकास जुयाच्वंगु खः धयादिल । वइगु दिनय्ल्यं  दगुगु मेमेगु ज्या नं याकनं न्ह्याकेगु वय्कलं धयादिल ।

स्थानीय मनराजा रंजितं लसकुस यानादीगु ज्याझ्वलय् येँ महानगरपालिका १५ वडाअध्यक्षलिसें महानगरया प्रवक्ता ईश्वरमान डंगोल, ल्वहंहिति संरक्षण व जिर्णोद्वार समितिया अध्यक्ष अमरबहादुर रंजित, समाजसेवी सुवर्णमान डंगोल, नवजागृति क्लबया अध्यक्षलिसें निर्माण समितिया दुजः मधुसुदन मानन्धर, स्थानीयवासी गंगा रंजित, राजु खरेल लगायतं नुगःखँ तयादीगु खः ।

येँ क्षेत्र नं. ८ स्थानीय पूर्वाधार विकास साझेदारी ज्याझ्वः अन्तर्गत १५ गू लाख बजेट विनियोजन यानाः ल्वहंहिति पुनःनिर्माण याःगु खः । उगु बजेटं ल्वहंहितिलिसें स्नान गृह व सार्वजनिक शौचालय नं निर्माण याःगु खः ।

सम्बन्धित बुखँ

LEAVE YOUR COMMENTS