खाद्यं हाकनं इन्डक्सन मीगु सुरु

येँ (नेपालभाषा टाइम्स) – खाद्य व्यवस्था तथा व्यापार कम्पनीं हाकनं इन्डक्सन भुतू मीगु सुरु याःगु दु । तःभुखाय्बलय् हःगु मचुयाच्वंगु इन्डक्सन फुक्कं थ्व लकडाउनया इलय् चुइवं कम्पनीं थप इन्डक्सन भुतू हःगु खः । कम्पनीं शनिवाः निसें स्वनिगलय् छेँय् थ्यंक हे थ्यंकेगु कथं होम डेलिभरि सहित इन्डक्सन मीगु सुरु याःगु खः । कम्पनी बाल्ट्रा कम्पनीया इन्डक्सन छगूया प्यद्वः तकां मीगु सुरु याःगु खः । इन्डक्सन लिसें जडिबुटी कम्पनीया स्यानिटाइजर, आयो नुन, छुचुं व डिडिसिया घ्यः नं मीगु सुरु यानागु खँ कम्पनीं धाःगु दु । कम्पनीं अनलाइन सपिब प्लेटफर्म सस्तो डिल लिसे जानाः होमडेलिभरि याःगु खः ।