वरिष्ठ तबलावादक रविनलाल श्रेष्ठ मंत

येँ – वरिष्ठ तबला वादक रविनलाल श्रेष्ठ म्हिगः मंत । ब्रेन ट्युमर जुयाच्वंम्ह वय्कः न्यूरो अस्पतालय् वासः याकुयाकुं म्हिगः सुथय् १० बजे मदुगु खः । थनिं स्वदँ न्ह्यः ब्रेन ट्युमर जुयाः भारतय् वासः याकादीगु खःसा लिपा हाकनं मेगु ट्युमर खने दयेवं वीर अस्पतालय् लछि तक वासः याकादीगु खः । छवाः न्ह्यः हानं न्युरो अस्पतालय् भर्ना जुयादीगु खः ।

नेपाःया शास्त्रीय संगीत ख्यलय् ज्वःमदुम्ह तबला वादककथं म्हसिउम्ह श्रेष्ठ ललितकला क्याम्पसया उपप्राध्यापक खःसा वय्कलं संगीत शाखाय् च्वनाः ताःईतक ज्या यानादीधुंकूगु दु। वय्कः जयश्री संगीत समाजया संरक्षक नं खः । ५० दँ दुम्ह श्रेष्ठया म्हिगः हे पशुपति आर्यघाटय् अन्तिम संस्कार याःगु खः । वय्कःया जहान व काय छम्ह दी ।

सम्बन्धित बुखँ

LEAVE YOUR COMMENTS