ने. सं. ११४६ चिल्लागा चौथी -

इलाछेँय् च्याःगु मि नियन्त्रणय्, प्यखा छेँ व देगः ध्वस्त

येँ (नेपालभाषा टाइम्स)÷ येँ महानगरपालिका २० वडाय् लाःगु इलाछेँ बिच्छेबहालय् च्याःगु मि थौं सुथय् सवा नौबजे पाखे नियन्त्रणय् वःगु दु । सुथय् ४ बजे पाखे मोहन शाहया कापःया गोदामय् च्याःगु मि तच्वः जुयावनाः मेगु स्वखा छेँ व अन च्वंगु छगः देगः ध्वस्त यानाबिउगु दुसा, मेगु स्वखा प्यखा छेँय् नं थिउगु खः ।
कापःया गोदामय् च्याःगु मि सुथय् तापाकं निसें हे दनदन च्याःगु खनेदुगु खः । मि स्यायेत येँ, यल, ख्वपया गुंगः दमकल हःगु खः । मि छु जुया च्याःगु धयागु अझं सीमदुनि । प्रहरीं क्षतिया विवरण मुंकेगु ज्या जुयाच्वंगु खँ धाःगु दु ।