यल लाय्कू आकर्षक व सौन्दर्यपूर्ण
यल(नेपालभाषा टाइम्स)/ यल लायकू लागा आकर्षक व सौन्दर्यपूूर्ण खनेदुगु दु । विश्व सम्पदाया धलखय् दुथ्यानाच्वंगु यल लाय्कू लागाय् पुलांगु अप्पा चिइकाः न्हूगु अप्पा लायेवं आकर्षक व सौन्दर्यपूर्ण खनेदुगु खः ।
यल महानगरपालिकां लाय्कू लागाय् च्वंगु पुलांगु चाइनिज अप्पा लिकयाः उगु थासय् रैथाने चिकंअप्पा लाःगु खः । थुकथं चिकंअप्पा लायेवं यल लाय्कू आकर्षक व सौन्दर्यपूर्णलिसें सम्पदाया मौलिकता पिज्वइकथं सफा, सुन्दर व यचुपिचु खनेदुगु खः ।
यल महानगरपालिकां १ गू करोड ५२ गू लख लागतय् पुलांगु चाइनिज अप्पा चिइकाः स्थानीस्तरय् उत्पादन जूगु रैथाने चिकंअप्पा लाःगु खः । यल महानगर प्रमुख चिरिबाबु महर्जनयाकथं पुलांगु अप्पा ज्याख्यलय् मवयेवं सम्पदा क्षेत्रया संरक्षणया निंतिं न्हूगु चिकंअप्पाः लाःगु खः । महानगर प्रमुख महर्जनयाकथं तत्कालीन जुजु वीरेन्द्रया राज्याभिषेकया इलय् यल लाय्कू लागाय् चाइ
मल्लकालीन इलंनिसें छ्यला वयाच्वंगु चिकंअप्पा परम्परागत व रैथानेलिसें थ्व बल्लाइगु, टिकाउ नापं सौन्दर्यपूर्ण नं जू । अथे हे चिकंअप्पा प्वालाप्वाला थिनाः बांलासे व यच्चुसे नं च्वनाः लः नं मुनी मखु । यल लाय्कू लागाय् थुकथं चिकंअप्पा लानाबीवं सम्पदा क्षेत्रया सतह नं करिब ४ इन्च च्वय् थहां वःगु दु ।
पुलांगु चाइनिज अप्पाया कारणं फोहर खने दयाच्वंगु यल लाय्कू लागाय् चिकंअप्पा लायेवं आः यच्चुसे च्वनाः झः झः धाःगु खनेदु । महानगरया थुकथंया च्वछायेबहगु ज्यां यल लाय्कूया गरिमायात अप्वयेका बिउगु दुसा उकिया नापनापं ऐतिहासिक सम्पदा संरक्षणलिसें पर्यटकीय आकर्षणयात अप्वयेकेगु कुतः नं जूगु खनेदु ।
LEAVE YOUR COMMENTS