नेवाः सुपरस्टार घोषणा

येँ – ख्यालि जुजु मदनकृष्ण श्रेष्ठं नेवाः कलाकारतय्त हःपाः बीगु तातुनाः नीस्वंगु ‘नेवाः सुपरस्टार’ घोषणा यानादीगु दु । नेवाः जागरण मञ्च, जापानं येँय् याःगु छगू ज्याझ्वःया दथुइ वय्कलं थ्व घोषणा यानादीगु खः । जागरण मञ्च जापानया नायः सुनिलकुमार शाक्यं आः ३० लाख तकाया छगू कोष दयेकाः दँय्दसं नेवाः कलाकारतय्त सिरपाः बीगु खँ कनादिल । ज्याझ्वलय् नेवाः सुपरस्टार ज्याझ्वःया कजि सुरेन्द्र तुलाधरं नेवाः कलाकारतय्त सिरपालं सम्मानित याइगु थ्वहे न्हापांगु ज्याझ्वः जुइ धयादिल । ज्याझ्वलय् येँय् निर्वाचित जुयादीपिं नेवाः जनप्रतिनिधिपिंत हनेगु ज्या नं जूगु खः ।