राससय् मांभाय्या समाचार सेवा सितिकं

येँ (रासस)÷राष्ट्रिय समाचार समिति (राससं) नेपालभाषा, मैथिली भाषा व अवधि भाषाया समाचार निःशुल्क बीगु जूगु दु ।

राससया कार्यकारी अध्यक्ष धर्मेन्द्र झाया अध्यक्षताय् च्वंगु सञ्चालक समितिया बैठकं म्हिगःनिसें राससय् दर्ता जुइगु नेपालभाषा, मैथिली व अवधि भाय्या प्रकाशन गृह लिसें प्रसारण गृह (छापा, डिजिटल पत्रपत्रिका व श्रव्य लिसें श्रव्यदृश्य) यात निःशुल्क समाचार सेवा बीगु निर्णय याःगु खः ।

मांभाय् म्वाका तयेगु आज्जु कथं राससं न्हापांगु चरणय् स्वंगू भाषाया समाचार उत्पादन यानाः इनेगु ज्या न्ह्याकूगु खः । राससं बीगु थ्व निःशुल्क सेवापाखें बन्द जुइधुंकूगु व बन्द जुइगु अवस्थाय् थ्यनाच्वंगु मांभाय्या सञ्चार संस्था लाभान्वित जुइगु आशा याःगु दु ।

अध्यक्ष झां राससया थ्व नीतिं बन्द जूगु भाषाया समाचार याकनं सञ्चालनय् वइगु व समस्याय् लाःगु सञ्चार संस्थां उगु भासं उत्पादन जूगु प्रकाशन व प्रसारण यायेवं मातृभाषाया संरक्षणय् योगदान याइगु विश्वास प्वंकादीगु दु ।

नेपालभाषा टाइम्स

च्वमिया मेमेगु

• ज्यापु दिवसया लसताय् सुकुन्दा र्‍याली
• मस्तय् अनलाइन जोखिमपाखें सुरक्षित यायेत सरकार प्रतिबद्ध
• ‘आः विमान न्यायेत फुक्क हे ग्याइगु जुल’
• नेवाः हना सिरपाः लःल्हात
• एनपिएलय् न्हापांगु शतक, पोखरा व कर्णाली त्यात