समावेशी मजूगुलिं मन्त्रीया शपथ स्थगित

एजेन्सी- कर्णाली प्रदेशय् मन्त्रिपरिषद् समावेशी मजूगुलिं नवनियुक्त उद्योग, पर्यटन, वन तथा वातावरणमन्त्री वीरबहादुर शाहीया सपथग्रहण हे दिउगु दु । उच्च अदालतं शपथ दिकेत निर्देशनात्मक आदेश बिउगुलिं मन्त्री शाहीया सपथ ग्रहण दिउगु खः ।

शाहीयात बिहिवाः मुख्यमन्त्री जीवनबहादुर शाहीं मन्त्रीइ नियुक्त याःगु खः । गैरसांसद मन्त्री जुयाच्वंम्ह छिरिङ डम्डुल लामाया कार्याकाल स्वतः पूवनेवं प्वनाच्वंगु मन्त्रालयय् शाहीयात नियुक्त याःगु खः । कार्चेनया नियुक्तविरुद्ध २०७८ माघय् तयातःगु रिटय् बुधवाः अन्तिम सुनुवाइ यासें उच्च अदालतं मन्त्रिपरिषद् गठनयात समावेशी सिद्धान्त नालेत निर्देशनात्मक आदेश बिइवं शाहीया सपथ ग्रहण दिकेमाःगु खँ प्रदेश प्रमुख कार्यालयया निमित्त सचिव भीमराजा थानीं धाःगु दु ।

च्याम्ह दुजः दुगु मन्त्रीपरिषदय् मिस्तय्त प्रतिनिधित्व मदयेवं अदालतं बिउगु निर्देशनात्मक आदेश बिउगु खः । थ्व आदेश कथं अदालतया रजिष्ट्रार अर्जुन प्रसाद कोइरालां मन्त्रिपरिषद्या ज्याकू व प्रदेश प्रमुखया ज्याकुथिइ ध्यानकर्षण पौ छ्वःगु खः । उगु पतिइ ‘नेपाःया संविधानया १६८ (९)य् व्यवस्था यानातःकथं प्रदेश मन्त्रिपरिषद् गठन यायेबलय् संविधानया मर्म व भावनाकथं वर्ग, लिङ्ग, जात व क्षेत्रया प्रतिनिधित्व जुइकथं कर्णाली प्रदेशया प्रदेश प्रमुख व मुख्यमन्त्रीं ध्यान बिउगु खनेमदुगुलिं आः मन्त्रिमण्डल गठन यायेबलय् समावेशी सिद्धान्त कथं जू मजू स्वयां संवैधानिक दायित्व निर्वाह यायेत ध्यानाकर्षण याना’ धयातःगु दु ।

सम्बन्धित बुखँ

LEAVE YOUR COMMENTS