
येँ (नेपालभाषा टाइम्स)÷थुगुसी न्यायेकीगु नेपाल संवत्या न्हूदँ ११४५ समारोह समितिया नायः कथं नेवाः न्ह्यलुवा लिसें पुलांम्ह मन्त्री राजेन्द्र श्रेष्ठयात ल्यःगु दु ।
म्हिगः च्वंगु न्हूदँ समारोह समितिया बैठकं भाजु श्रेष्ठया नां सर्वसम्मतं ल्यःगु खः । नेपाल संवत्यात राष्ट्रिय मान्यता बीकेगु आन्दोलनय् ताः ई न्ह्यवंनिसें सक्रिय जुयादीम्ह भाजु श्रेष्ठ नेवाः आन्दोलनया न्ह्यलुवा लिसें प्रखर व्यक्तित्व जुयादी ।
न्हूदँ समारोह समिति ११४४ या नायः प्रा.डा. नरेशमान वज्राचार्यया सभापतित्वय् म्हिगः च्वंगु मुँज्याय् नेवाः देय् दबूया नायः पवित्र वज्राचार्य, दिलीप महर्जन, शैलेन्द्र वज्राचार्य, निरंजनरत्न शाक्य लगायत आपालं भाषाह्यमिपिनि उपस्थिति दुगु खः ।
समितिं थुगुसीनिसें न्हूदँ हनेगु ज्या विधिवत् संस्था दर्ता यानाः संस्थागत रुपं न्ह्याकेगु निर्णय नं याःगु दु ।
LEAVE YOUR COMMENTS