थौं आइफोन १६ सार्वजनिक जुइगु

एजेन्सी- एप्पल सेप्टेम्बर ९ तारिखय् आइफोन १६ या सिरिज सार्वजनिक यायेत्यंगु दु । नेपाःया ईकथं सोमवाः बहनी १०ः४५ ता इलय् आइफोन दयेकीगु कम्पनी एप्पलं ‘ इट्स ग्लोटाइम’ धकाः सान फ्रान्सिस्कोय् ज्याझ्वः यासें आइफोन सिरिज सार्वजनिक यायेत्यगु खः ।

आइफोन १६ लिसें एप्पल वाच १० या सिरिज नं सार्वजनिक जुइगु खँ धाःगु दु । थ्व ज्याझ्वः विश्वन्यकं दर्शकतय्सं नं स्वयेफइगु जुइ । थ्व ज्याझ्वः एप्पलया वेभसाइट, युट्युब च्यानल व एप्पल टिभी एपय् लाइभ वइ ।
एप्पलं आइफोन १६, आइफोन १६ प्लस, आइफोन १६ प्रो व आइफोन १६ प्रो म्याक्स सार्वजनिक याइ । एप्पल वाच १० सिरिजया थीथी मोडल, एप्पल वाच एसइ व रिफ्रेस जूगु एप्पल वाच आल्ट्रा नं सार्वजनिक याइ । अथेहे एयरपड ४, आइप्याड व म्याक्स एम १ नं लन्च याइ ।