गठ्ठाघर घटनाया छानबिन याइगु

येँ (नेपालभाषा टाइम्स)÷ख्वपया गठ्ठाघरय् म्हीग जूगु घटनाया छानबिन यायेत समिति नीस्वंगु दु । गृहमन्त्री रमेश लेखकया निर्देशनय् प्रहरीं छानबिन समिति नीस्वंगु खः । उपत्यका प्रहरी कार्यालयया एसपी प्रदिप केसीया नेतृत्वय् नीस्वंगु थ्व समितिं म्हिगःनिसें हे ज्या न्ह्याकेधुंकूगु दु ।

बिहीवाः न्हिनय् ट्रकया ठक्करं ठक्कर नकाः स्कुटर चालक सीवं अन तःधंक दंगा जूगु खः । घटनाय् सीम्ह स्कुटर चालक न्हापा मिसाम्ह धकाः नां समेत पिहां वःगु खःसा लिपा मिजंम्ह धकाः पत्ता लगे जूगु खः । सीम्ह चालक ओखलढुंगाया उत्तम कोइराला खः । घटना लिपा बिसिउँ वंम्ह ट्रक चालकयात प्रहरीं ज्वनेधुंकूगु दु ।

घटना लिपा आक्रोशित मनूतय्सं अन तयातःगु ट्राफिक आइल्याण्ड समेत च्याका बिउगु खःसा चेकिङ यानाच्वंम्ह ट्राफिकयात समेत ड्रेस हे गुक्क हातपात याःगु खः ।