
येँ – नेपाःया अग्रज कलाकार गेहेन्द्रमान अमात्ययात गोधुलि दीर्घ कला सेवापाखें सम्मानित याःगु दु । वय्कःयात गोधुली साहित्य प्रतिष्ठानपाखें थ्व सम्मान लःल्हाःगु खः । प्रतिष्ठानया न्हय्क्वःगु वार्षिकोत्सवया लसताय् प्रज्ञाभवनय् जूगु छगू ज्याझ्वःया दथुइ संसदीय मामिला तथा कानुन मन्त्री शेरबहादुर तामाङं वय्कःयात अभिनन्दन यानादीगु खः ।
अथेहे ज्याझ्वलय् प्रा. डा. उषा ठाकुर व स्नेहा पोखरेयात साहित्य व समाज सेवा क्षेत्रय् यानादीगु योगदानयात कयाः सम्मानित याःगु खः । वय्कःयात सम्मानपत्रया लिसें म्हतिं झिद्वः तका दां लःल्हाःगु खः । लक्ष्मी उप्रेतीया सभापतित्वय् जूगु ज्याझ्वलय् मू पाहाँ कानुन मन्त्री तामाङं अन्तर्मनया सुसेली नांया सफू व क्यालेन्डर नं विमोचन यानादीगु खः ।
LEAVE YOUR COMMENTS