ने. सं. ११४६ चिल्लागा नवमी -

ख्यालि न्हिली

डाक्टरं गर्भावस्थाया निंतिं ल्यासेया जाँच यात, अले धाल, ‘मिसेस चौधरी, जिं छितः तसकं बांलाःगु समाचार न्यंकेत्यनागु दु ।’
‘मिस चौधरी’– ल्यासें संशोधन यात ।
‘ओह !’– डाक्टर पलख वातां च्वन, अले हानं धाल, ‘मिस चौधरी, जि छितः तसकं बांमलाःगु समाचार न्यंकेत्यनागु दु ।
ह ह ह
छम्ह मिसां थः भाःतयाके पार कायेगु बिचाः यानाच्वन । वं छम्ह वकिलयात स्वापू तल, अले वयात थःगु इच्छा कन ।
‘छिं जिगु फीस बियादिसँ, जिं कन्हय् हे मुद्दा दायर यानाबी’– वकिलं धाल ।
‘छिगु फीस गुलि ?’
‘छगू लाख ।’
‘पार छगू कायेत ? ’
‘हजूर ।’
‘ननसेन्स । झिद्वः दां बिउसा ला जिं थः भाःतया हत्या हे याकेफु ।’
ह ह ह
‘डाक्टर साहब’ – होसय् वयेवं हे ल्वगिं न्यन, ‘जिगु अपरेशन सफल जुल ला ?’
‘बाबु’– लिसः वल, ‘जि ला चित्रगुप्त खः ।’