उद्यमी वैद्यया न्हूगु म्यूजिक भिडियो

येँ – उद्यमी प्रभानन्द वैद्यया न्हूगु म्येँया म्युजिक भिडियो पिहां वःगु दु । वैद्यया नेपाली भाय्या म्येँ ‘किन आज…’ म्ये शुक्रवाः छगू ज्याझ्वःया दथुइ सार्वजनिक जूगु खः ।

वरिष्ठ हास्य कलाकार सन्तोष पन्तं म्ये सार्वजनिक यानादीगु खः । म्येँ सार्वजनिक यासें कलाकार पन्तं वैद्यया म्ये न्यनाबलय् न्हूम्ह गायकया म्ये थें थःता मताःगु खँ धयादिल । नेबिको विस्कुट कम्पनीया अध्यक्ष वैद्यया रिलिज जूगु थ्व नकतिनि स्वंगूगु म्येँ खः । थ्वयां न्ह्यः वैद्यया ‘जुन अब फेरि किन अँधेरी रातमा…’ व ‘व्यर्थै तिमिलाई…’ म्येँ पिदंगु दु ।

मिस नेवाः ११३६ या रनर अप रेजिशा डंगोलया लिसें ग्रिस वैद्यया मू भूमिका दुगु म्यूजिक भिडियोया निर्देशन रवि सायमिं यानादीगु खः । सायमि नेपालभाषाया संकिपा जामनः गुभाजुया निर्देशक नं खः । ‘किन आज..’ म्येया रचनाकार व संगीतकार महेशराज थापा खःसा थ्व म्येँय् डिजे सन्तोषं एरेन्ज यानातःगु दु ।

 

सम्बन्धित बुखँ

LEAVE YOUR COMMENTS