७० प्रतिशत ल्वापुइ मिलाप

येँ (नेपालभाषा टाइम्स)÷ येँ मनपाया उपप्रमुख सुनिता डंगोलं स्थानीय सरकारया माध्यमं स्थानीय विवाद निरुपण यायेबलय् मेलमिलापयात न्हापांगु प्राथमिकताय् तयेमाःगु खँ धयादीगु दु ।
म्हिगः येँय् स्थानीय (वडा स्तरीय) विवाद व निरुपणया विषययात कयाः जूगु अभिमुखीकरण ज्याझ्वलय् न्ववासें वय्कलं उगु खँ धयादीगु खः

न्याय निरुपण यायेबलय् कानुनी रुपय् जक मस्वसे व्यवहारिक पक्षयात नं स्वयेमाःगु बिचाः प्वंकादिल । न्याय निरुपण यायेगु झ्वलय् ७० प्रतिशत स्वयां अप्वः मेलमिलापयात प्राथमिकता बियागु खँ नं नं वय्कलं कनादिल । वय्कलं वडा निसें केन्द्र तक मेलमिलापं समग्रय् ६१ प्रतिशत मेलमिलाप यायेत सफल जूगु खँ नं कनादिल ।