शताब्दीपुरुष जोशीयात डेंगु, हेरचाहया व्यवस्था सरकारं याइगु

यल(नेपालभाषा टाइम्स)÷वाङ्मय शताब्दीपुरुष सत्यमोहन जोशीयात डेंगु संक्रमण जूगु पुष्टि जूगु दु । कमजोर महसुुस व नयेगुलिइ अरुचि जुइवं वय्कःया स्वास्थ्य परीक्षण याःगु इलय् डेंगु पुष्टि जूगु खः ।

किष्ट मेडिकल कलेजय् स्वास्थ्य परीक्षण याकादीगु इलय् वय्कःयात छाति व नुगःचुया पुलांगु हे समस्या दुगु अस्पतालं न्ह्यथंगु दु । वय्कःया स्वास्थ्यस्थिति बारे जानकारी बिसें अस्पतालं चिन्ताजनक अवस्था मदुगु खँ धाःगु दु ।

थ्व हे झ्वलय् संस्कृति, पर्यटन तथा नागरिक उड्डयन मन्त्री जीवनराम श्रेष्ठ वय्कःया छेँय् झायाः स्वास्थ्य लाभया कामना यानादीगु दु । स्वास्थ्य परीक्षण लिपा थःगु हे छेँय् आराम यानाच्वादीम्ह जोशीयात नाप लानाः मन्त्री श्रेष्ठं नियमित हेरचाहया निंतिं आवश्यक स्वास्थ्यकःमिलिसें स्वास्थ्य परीक्षणया निंतिं तत्काल व्यवस्था मिले यायेगु प्रतिवद्धता प्वंकादीगु खः ।

थुकथं हे नेपाल संवत् न्हूदँ राष्ट्रिय समारोह समितिया दुजःपिंसं नं जोशीयात नाप लानाः वय्कःया स्वास्थ्य स्थिति बारे जानकारी कयादीगु दु ।
स्वक्वः तक मदन पुरस्कार त्याकादीम्ह वय्कः थौंकन्हय् १०३ दँ दयेधुंकूगु दु ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु