स्कुल–स्कुलय् नं न्यायेकल गथांमुगः
येँ(नेपालभाषा टाइम्स)÷नेवाःतय्सं न्यायेकीगु गथांमुगः पर्व म्हिगः थीथी थासय् हन । थ्व पर्वयात नेवाःतय् दँया न्हापांगु पर्व धाइ ।
थ्वहे झ्वलय् थुगु पर्वयात थुगुसी येँया थीथी स्कुलय् नं गथांमुगः हे धंकाः न्यायेकेगु ज्या जुल । येँ महानगरपालिकां नेपालभाषाया माध्यमं ब्वंकीगु स्थानीय विषय अन्तर्गत गथांमुगः धइगु पाठ नं ब्वंकेमाः । वहे पाठ ब्वंकेगु झ्वलय् म्हिगः व म्हीग येँया थीथी स्कुलय् पर्व हे न्यायेकाः थ्व पाठ ब्वंकेगु ज्या जूगु खः ।
थ्व झ्वलय् गनं गथांमुगः धंकाः ‘आजु जय’ हायेकाः हे पर्व हनेगु ज्या जूगु खःसा गनं मस्तय्त चिचीधंगु गथांमुगः दयेकाः ब्वयेगु ज्या जूगु खः ।
स्कुलय् हे गथांमुगः पर्व हनेगु ज्या जूगुलिं स्कुलया माहौल हे हिउ थें जूगु खँ स्यनामितय्सं धाःगु दु । नेवाः स्यना–मितय्सं थौंकन्हय् स्कुल दुने मोहनि, म्हपुजा, पाहांचः¥हे, यःमरि पुन्हि, यँयाः थेंज्याःगु नखः न्यायेकेगु यानाच्वंगु दु ।
LEAVE YOUR COMMENTS