धर्मकीर्ति विहारय् हिदान

येँ – थनया श्रीघलय् च्वंगु धर्मकीर्ति विहारया ५३ दँ बुन्हि व २५६२ क्वःगु स्वांयाः पुन्हिया लसताय् धर्मकीर्ति स्वास्थ्य कमिटिया ग्वसालय् व मचाकाजी महर्जनया संयोजकत्वय् ३७ क्वःगु हि–दान ज्याझ्वः जुल ।

धर्मकीर्ति विहारया प्रमुख श्रद्धेय धम्मवती गुरुमां लगायत सकल गुरुमांपिसं परीत्राण पाठ याना बिज्याये धुंकाः न्ह्याःगु थुगु ज्याझ्वलय् थ्यंमथ्यं ५५ म्हेसिनं हि–दान यानादीगु खः । ज्याझ्वलय् हि–दान यानादीपिं सकसितं बुद्ध पूजाया उपासक उपासिकापिसं जूस, दुरु, फलफुल, मरी आदी नकेत्वंके यानाः ग्वाहलि यानादीगु खः ।