होलि ज्याझ्वलय् निपु म्येया पितब्वज्या

ख्वप (नेपालभाषा टाइम्स)- महाकालि नृत्य कला परिषद, ख्वपया ग्वसालय् ख्वपय् नेवाः होलि महोत्सव ज्याझ्वः जुल । उगु ज्याझ्वलय् नेवाः कलाकारिता ख्यःया आपालं कलाकःमि मुना थवंथवय् रंग इलाः होलिया भिंतुना देछाःगु खः । उगु हे ज्याझ्वलय् निर्देेशक विश्वास बज्राचार्यया बसन्तया बेला व निर्देशक बालमुकुन्द प्रजापतिया दिलमाया बोलया निपु म्युजिक भिडियो पितब्वज्या जूगु खः ।

परिषद्या न्वकु ओमचरण अमात्यया सभापतित्वय् जूगुु ज्याझ्वलय् कलाख्यःया न्ह्यलुवा आशाकाजी थकू मूपाहां कथं झायादीगु खः । ज्याझ्वलय् नेपालभाषाया न्हांपाम्ह सिने पत्रकार विजयरत्न असंबरे, नांजाम्ह नेवाः संकिपामि सुरेन्द्र तुलाधर, संगीतकार जुगल डंगोल, भक्तपुर लेडि जेसिजया पूर्व अध्यक्ष सबिका त्वाय्नाबासु, परिषदया प्रमुख

सल्लाहकार ध्रुब नारायण श्रेष्ठ लगायत पितब्वज्या जूगु निपु म्युजिक भिडियोया निर्देशकपिं विश्वास बज्राचार्य व बालमुकुण्द प्रजापति पाहाँ कथं उपस्थित जुयादीगु खः ।
सांगीतिक ज्याझ्वः नं जूगु उगु ज्याझ्वलय् सरस्वति मानन्धर, कृष्ण महर्जन, मन्जिल शाक्य, जयलक्ष्मी सिद्धि बज्राचार्य लगायतं म्येँ हालाः न्यंकादीगु खः ।