
येँ – युवा रोजगारीया निंतिं एसओएस बालग्रामं माःगु ग्वाहालि यायेगु प्रतिवद्धता प्वंकूगुदु । नेपालया बालग्रामय् हुर्के जूपिं विद्यार्थीया निंतिं रोजगारीया विषय चुनौतीपूर्ण दुगुलि सरकारं न्हूगु योजना सहित स्वदेय् हे युवा रोजगारया ज्याझ्वः हलधाःप्सा बालग्रामं उकियाता माःगु ग्वाहालि यायेगु प्रतिवछद्धता प्वकूगु खः ।
भुखाचं पीडितया नितिं एसओएस बालग्रामं देयका बिउगु सिन्धुपाल्चोक जिल्लाया इन्द्रावती गाउँपालिकाया–१२ वडाय् १७७ खाः छेँ व दोलखाया लाँकुरीडाँडाय् १०७ छेँ हस्तान्तरण ज्याझ्वलय् ब्वति कायेगु निंतिं नेपलाय् वःगु अध्यक्ष सिद्धार्थ कोलसहित वःगु पुचं प्रधानमन्त्री केपी शर्मा ओलीयात नापलायेगु झ्वलय् उगु प्रतिवद्धता प्वंकादीगु खः ।प्रधानमन्त्री ओलीयात एसओएस बालग्राम अन्तर्राष्ट्रियया सांगठनिक संरचना, संस्थां संसारया १३५ देशय् मस्तय् उचित रेखदेख, स्याहार, शिक्षादीक्षा व संरक्षणया निंतिं याना वयाच्वंगु ज्याया बारे जानकारी याकूगु खः ।
लिसलय् प्रधानमन्त्री केपी शर्मा ओलीं सामुदायिक विद्यालयया स्तर थकायेत व गुणस्तरीय विद्यार्थी उत्पादनया निंतिं सरकारं चालु शैक्षिक सत्रनिसें देय्न्यंकं न्हूपिं विद्यार्थी भर्ना अभियान शुरु यानागु खँ कनादिसें उकियात सफल यायेत राष्ट्रिय व अन्तर्राष्ट्रिय गैरसरकारी संस्थाया दायित्व जूगु खँ कनादीगु खः । प्रधानमन्धी ओलीं नेपालय् एसओएस बालग्रामं याना वयाच्वंगु ज्याया प्रशंसा यानादिसें भविष्यय् नं निरन्तर ग्वाहालि यायेत इनाप यानादीगु दु ।
LEAVE YOUR COMMENTS