महासंघया संस्थापक विवाद ज्यंकीगु

येँ (नेपालभाषा टाइम्स)- नेपाल पत्रकार महासंघया संस्थापक अध्यक्ष सम्बन्धी विवादयात कयाः म्हिगः आदिवासी जनजाति पत्रकार महासंघ (फोनिज) पाखें पत्रकार महासंघयात छगू ज्ञापन पौ बिउगु दु । ज्ञापनपौ लःल्हाना कासें पत्रकार महासंघया सभापति विपुल पोखरेलं संस्थापक सम्बन्धी थ्व विवाद याकनं समाधान याना वनेगु पक्षय् थःपिं नं दु व थुकिया लागिं याकनं हे छगू समिति दयेकाः समस्या समाधान याना वनेगु खँ कनादीगु खः ।

फोनिजं महासंघया संस्थापक अध्यक्ष सत्यनारायण बहादुर श्रेष्ठ खः धकाः दावी यानाच्वंगु दुसा पत्रकार महासंघं कृष्णप्रसाद भट्टराईयात संस्थापक माने यानातःगु खः । आः थुकिया लागिं निगुलिं पक्ष दुथ्याःगु समिति दयेकाः विवाद ज्यंकेगु खँ महासंघं धाःगु दु । म्हिगः ज्ञापनपौ बीगु लागिं फोनिजया अध्यक्ष गजुरधन राई, नेवाः पत्रकार राष्ट्रि दबूया नायः नृपेन्द्रलाल श्रेष्ठ लिसें आपालं पत्रकारत वंगु खः ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु