आः निजी प्रयोगशालाय् नं कोरोनाभाइरस परीक्षण

येँ – सरकारं निजी अस्पतालयात नं कोरोनाभाइरसया परीक्षण यायेबीगु जूगु दु । स्वास्थ्य तथा जनसंंख्या मन्त्रालयं निजी प्रयोगशालाय् नं परीक्षण यायेबीगु व्यवस्था जूगु खँ धाःगु दु । मन्त्रालयया प्रवक्ता डा. जागेश्वर गौतमं आः मापदण्ड पूवंकाः स्वीकृति काःगु प्रयोगशालाय् नं परीक्षण यायेफइगु धयादिल । वय्कलं अज्याःगु परीक्षणय् माःगु खर्च स्वास्थ्य मन्त्रालयं व्यवस्था याइगु जानकारी बियादिल ।

अथेहे विदेशय् वनेगु निंतिं भिसा वा निरोगिताया प्रमाणपत्रया निंतिं कोरोना परीक्षण यायेगु निंतिं येँया वीर अस्पताल, त्रिवि शिक्षण अस्पताल व पाटन अस्पतालय् परीक्षण यायेगु व्यवस्था सरकारं मिले याःगु दु ।