डेडिकेटेड व ट्रंकलाइन विवाद – उच्चस्तरीय आयोग नीस्वनेत माग

येँ (नेपालभाषा टाइम्स)÷ नेपाल उद्योग वाणिज्य महासंघं डेडिकेटेड व ट्रंकलाइन विवाद ज्यंकेत उच्चस्तरीय आयोग नीस्वनेत माग याःगु दु । न्हापा लोडसेड्रिया इलय् उद्योगय् जडान याःगु डेडिकेटेड व ट्रंकलाइनया भुक्तानी सम्बन्धी विवाद क्वःमजिउनिबलय् हे विद्युत प्राधिकरणं उद्योगया मत लाइन चायेगु ज्या याःगु प्रति ध्यानाकर्षण जूगु खँ नं महासंघं धाःगु दु ।

लोडसेडिङ जुयाच्वंगु इलय् थीथी प्रक्रियां मत उपलब्ध याकूगु व उपभोग जूगु मजूगु विषयय् उद्यमी व्यवसायी व नेपाल विद्युत प्राधिकरण दथुइ मतभिन्नता दुगु खँ नं महासंघं धाःगु दु । उद्यमी व्यवसायीत डेडिकेटेड व ट्रंकलाइनया उपभोगया नियम कथं पुलेमाःगु ध्यबा पुलेत तयार दुगु खँ नं महासंघं धाःगु दु । थ्व बारे कानुन सम्मत रुपय् गुगुं उद्योगं पुलेमाःगु खनेदुसा गुगु उद्योगं पुलेम्वाःगु खनेदुगुलिं जबरजस्ती भुक्तानीया निंतिं बाध्य यायेमजिउगु खँ महासंघं धाःगु दु ।

सरकार व निजी क्षेत्र थुकिया बारे पूर्ण जानकार दुगु व समस्या समाधानया नितिं तत्पर दुगु अवस्थाय् उच्चस्तरीय अधिकार सम्पन्न आयोग स्थापना यायेमाःगु माग महासंघं याःगु दु । नेपाल विद्युत प्राधिकरणंं डेडिकेटेड व ट्रंक लाइनया ध्यबा मपू धासें मत चायेगु शुरु यायेवं उद्योगीतय्सं आन्दोलन यायेगु तयारी यानाच्वंगु दु ।

नेपालभाषा टाइम्स

च्वमिया मेमेगु

• वतु त्वालय् दन्त शिविर
• पासा पुचः गुथि लन्दनया न्हूधाः
• ज्यापु समाजया निर्वतमान नायः तीर्थलालया अबु मंत
• ‘मौसम पूर्वानुमानयात गम्भीर रुपं मकाःगुलिं यक्व क्षति जूगु खः’ – वरिष्ठ माैसमविद् मणिरत्न शाक्य
• नखःचखःया दिं कायेत झीगु संस्कृतिया मौलिक परम्परा म्हसीकेमाल