भुखाय् सम्बन्धी प्रदर्शनी

येँ – पर्यटन लिसे नागरिक उड्डयन मन्त्री रवीन्द्र अधिकारीं हुनमानध्वाखाय् ‘भग्नावशेषनिसें पुनरुत्थान’ प्रदर्शनी कक्षा शुभारम्भ यानादिल । हनुमानध्वाखा दरवार संग्रहालय विकास समितिं दयेकूगु उगु कक्षा शुभारम्भ यानादिसें वय्कलं वइगु दँय् भुखाचं पुरातात्विक सम्पदाया पुनर्निर्माणया ज्या क्वचायेकेगु खँ कनादीगु दु ।

ज्याझ्वलय् येँ महानगरपालिकाया मेयर विद्यासुन्दर शाक्यं पुनर्निर्माणया ज्या थःपिंसं सोचे याना कथं मजूगु खँ धयादिसें आः याकनं हे दरवार लागाया पुनर्निर्माण ज्या न्ह्याकेगु खँ कनादिल । शताब्दी पुरुष सत्यमोहन जोशी पुर्खां दयेकूगु सम्पदा संरक्षण यायेमाःगु खँ कनादिल ।

थ्यंमथ्यं २८ लाख तका खर्च यानाः दयेकूगु प्रदर्शनी कक्षय् भुखाय् व भुखाय् लिपाया उद्धारसम्बन्धी किपा, भुखाय् लिपा येँया उत्खननया किपा व पुरातात्विक किपा ब्वयातःगु दु । उगु हे झ्वलय् मन्त्री अधिकारीं भुखाचं कुतुं वयाच्वंगु प्रताप मल्लया पुनस्र्थापना याःगु शालिक नं उलेज्या यानादीगु खः ।