उपप्रधानमन्त्री श्रेष्ठया स्वास्थ्य सामान्य

येँ (नेपालभाषा टाइम्स)- उपप्रधानमन्त्री व गृहमन्त्री नारायणकाजी श्रेष्ठया एन्जियोप्लास्टिी सर्जरी जूगु दु । बाँसबारीया शहीद गंगालाल राष्ट्रिय हृदय केन्द्रय् वय्कःया उपचार जूगु खः ।

वंगु असोजय् चीन भ्रमण वंबलय् उपप्रधानमन्त्री श्रेष्ठया नुगःचुइ ‘एक्युट मायोकार्डियल इन्फेक्सन’ जूगु खः । उबलय् चीनया पेकिङ युनियन मेडिकल कलेज अस्पतालय् ‘कोरोनरी एन्जियोग्राफि’ याःबलय् ‘ओन्टस मार्जिनल’य् समस्या खनेदुगु खः । मंगलवाः चान्हय् छातिइ स्याः थें जुया वयेवं वय्कःयात गंगालाल अस्पताल यंकूगु खः । थन डा. अरुण मास्केया पुचलं चान्हय् हे एन्जियोप्लास्टी सर्जरी याःगु खः । आः उपप्रधानमन्त्री श्रेष्ठया स्वास्थ्य अवस्था सामान्य दुगु खँ अस्पतालं धाःगु दु ।

वय्कःयात आः स्वन्हु निसें न्यान्हु तक अस्पतालय् हे तइगु जुइ । उपप्रधानमन्त्री श्रेष्ठयात बुधवाः सुथय् प्रधानमन्त्री पुष्पकमल दाहाल अस्पताल वनाः नापलानादीगु दु ।