दर्ता मजूगु फोन बन्द यायेगु तयारी

येँ (नेपालभाषा टाइम्स)- नेपाल दूरसञ्चार प्राधिकरणं थनिंनिसें द्वःछि फोनय् दुरसञ्चार सेवा बन्द याइगु जूगु दु । मोबाइल डिभाइस म्यानेजमेन्ट सिस्टम (एमडीएमएस) आईएमईआई नम्बर दर्ता मजूगु थिकेगु फोनय् प्राधिकरणं दुरुसञ्चार सेवा चले मजुइ कथं ब्लक यायेत्यंगु ख ।

भन्सार पास जुयाः वइगु फुक्कं फोनया (आईएमईआई) नम्बर एमडीएमएसय् दर्ता जुइ । विदेशं वइपिं मनूतय्सं ज्वना वइगु फोन आईएमईआई नम्बर निःशुक्ल दर्ता याये फइगु व्यवस्था दु । हाकु बजाः जुयाः दुहां वइगु फोनत जक एमडीएमएसय् दर्ता मजुइगु धासें प्राधिकरणं अज्याःगु फोनय् प्रतिबन्ध तयेत्यंगु खः ।

दूरसञ्चार प्राधिकरणया कथं थनिनिसें ८०० स्वयां अप्वः ‘हाई रेन्जया थिकेगु’ फोन प्रतिबन्ध तयेत्यंगु खः । प्राधिकरणं टेक्नोलोजी व भाः कथं मोबाइल प्रतिबन्ध तयेत्यंगु खः । वयां लिपा दर्ता मजूगु मेगु मोबाइल नं प्रतिबन्ध तयेगु खँ प्राधिकरणं धाःगु दु ।