यलय् मत मबिइगु प्राधिकरणया ख्याच्वः

येँ – झिंन्यान्हुया दुने मत खुइगु ज्या मदिकल धाःसा यलय् ‘ब्ल्याक आउट’ यायेगु ख्याच्वः नेपाल विद्युत प्राधिकरण बिउगु दु । मत खुइगु ज्या नियन्त्रण यायेगु निंतिं प्राधिकरणया कार्यकारी निर्देशक कुलमान घिसिङं यल मनपाया प्रमुख चिरीबाबु महर्जन, प्रमुख जिल्ला अधिकारी महादेव पन्थलिसे नं सहलह यानादगिु दु । प्राधिकरणं यलया दुनेया लागा लुखुसी, च्यासः, मंगलबजाः, इखालखू, धालाछेँ, सौगाः, दुपाट, पिन्छे, पिलाछेँ थेंज्याःगु थासय् हे संगठीत रुपं मत खुइगु ज्या जुयाच्वंगु खँ धाःगु दु ।