दीपेश पुन व राहुल महरायात मुद्दा मतल
येँ (नेपालभाषा टाइम्स)÷ ६० किलो लुँ तस्करी प्रकरणय् येँ जिल्ला अदालतय् २९ म्हविरुद्ध मुद्दा दायर जूगु दु । तर सरकारी वकिल कार्यालयं लुँ तस्करया मू मनू धयातःम्ह दावा छिरिङ व एलेक्स धाइम्ह याओ फुचेन, चिनियाँ नगारिक दावाजिन वाङ लिसे स्वापू दुपिं पुलांम्ह उपराष्ट्रपति पुनया काय दीपेश पुन व पुलांम्ह सभामुख कृष्णमहादुर महाराया काय राहुल महराविरुद्ध मुद्दा चले मयायेगु क्वःछिउगु दु । प्रहरी केन्द्रीय अनुसन्धान ब्यूरो (सिबीआईं) थुपिं निम्हेसिकें बयान धाःसा काःगु खः ।
जिल्ला सरकारी वकिल कार्यालयं मुद्दा दायर याःपिं २९ म्ह मध्ये २६ म्ह ज्वनातःगु दुसा स्वम्ह धाःसा बिसिउँ वनाच्वंगु दु ।
वंगु वालय् लुँ तस्करी सम्बन्धी अनुसन्धान प्रतिवेदन लःल्हाःगु खःसा थुकिया अध्ययन लिपा सरकारी वकिल कार्यालयं मुद्दा दर्ता याःगु खः । सरकारी वकिल कार्यालयं सीबीआई लःल्हाःगु नां मध्ये खुम्हेसित मुद्दा चले मयायेगु क्वःछिउगु खः ।
LEAVE YOUR COMMENTS