देय् दबूया स्वंगू सिरपाः न्याम्हेसित लःल्हाइगु जुल
येँ (नेपालभाषा टाइम्स)÷नेवाः देय् दबूपाखें दँय्दसं बीगु नारायणदेवी तीर्थ सिरपाः व गिरिधरलाल सिरपाः थुगुसी न्याम्ह व्यक्ति व संस्थायात बीगु जूगु दु ।
नेवाः देय् दबूपाखें पित बिउगु सुचं कथं नारायणदेवी–तीर्थ नेवाः समाजसेवा सिरपाः थुगुसी नेवाः न्ह्यलुवा डा. महेशमान श्रेष्ठ व नेवाः समाज भरतपुरयात बीगु जूगु दु । अथे हे नारायणदेवी–तीर्थ व्यवसायी प्रोत्साहन सिरपाः नेपालमण्डल टेलि भिजनयात बीगु जूगु दु ।
उकथं हे गिरिधरलाल नेपालभाषा सेवा सिरपाः थुगुसी नेपाल लिपि गुथि व प्रा. प्रेमशान्ति तुलाधरयात बीगु जूगु दु । थ्व स्वंगुलिं सिरपाः छगू छगू लाख तका दांया खः ।
थ्वहे वइगु यंलाथ्व ७ (असोज ५) कुन्हु देय् दबूया २९ क्वःगु बुन्हिया ज्याझ्वलय् थ्व सिरपाः लःल्हाइ । समाजसेवी तीर्थनारायण मानन्धर,
वय्कःया जहान नारायणदेवी मानन्धर व साहित्यकार गिरिधरलाल मानन्धरया नामं थ्व सिरपाः स्वनातःगु खः ।
LEAVE YOUR COMMENTS