थेरवाद दीपय् बुद्ध पुजा

येँ(नेपालभाषा टाइम्स)÷स्वयम्भूस्थित थेरवाद दीपय् बुधवाः बुद्ध पुजा जुल । स्वयम्भूस्थित आनन्दकुटी विहारया क्वसं च्वंगु नेपाःया थेरवाद भिक्षु अनागारिकापिनिगु अन्तिम संस्कार याइगु दीपय् वंगु बुधवाः बुद्ध पुजा याःगु खः ।

श्रद्धेय श्रद्धाचारी गुरुमांया नेतृत्वय् उगु बुद्ध पुजा जूगु खः । वंगु बुधवाः दीप व उकिया जःखः दक्वं थासय् सुचुकुचु यानाः बुद्ध पुजा याःगु खः । छुं दिं न्ह्यः थेरवाद भिक्षु, अनागारिकाया अन्त्येष्ठि याइगु दीप छचाःखेरं फोहर मुंकाः तःगु सुकुम्वासीतय्सं टहरा दयेकाः च्वनेगु यायेवं उकियात चिइकाः अन सुचुकुचु यायेगु ज्या जूगु खः ।

श्रद्धाचारी गुरुमांया हे पहलय् दीप लागा सुचुकुचु यानाः लय्पतिकं बुद्ध पुजा यायेगु क्वःछिउगु खः ।
आः वयाः वसपोल गुरुमांया हे नेतृत्वय् बुद्ध पुजा यानाः भिक्षु भिक्षुणीपिनि अन्तिम संस्कार याःगु दीप संरक्षणया निंतिं कुतः न्ह्याःगु खः ।

नेपालभाषा टाइम्स

च्वमिया मेमेगु

• जुगि जातया आवासया समस्या
• मेलम्चीया लः वइगु अझं अनिश्चित
• बँ पसः तयेके हे मबीगु बालेनया अडान
• फणीन्द्रयात सिद्धिदास सिरपाः
• इहिपा ज्याझ्वलय् मिं नयाः सछिम्ह मल्याकं सित