
येँ (नेपालभाषा टाइम्स)- सापारु क्वचाइगु इलय् थ्यंकाः नेपाल सरकारं यँयाःया ज्याझ्वः पित बिउगु दु । थुगुसी यँयाः हनेगु झ्वलय् गबले छु यायेगु धकाः तयार जूगु ज्याझ्वः बिहीवाः पित बिउगु खः ।
सरकारया पञ्चांग निर्णायक विकास समितिं पित बिउगु ज्याझ्वः कथं आः थ्वहे वइगु असोज ९ गते मंगलवार सुथसिया १०ः३७ बजेया साइतय् यःसिं थनीगु जूगु दु । थुकिया लागिं भाद्र ३१ गते आइतवाः यःसिंया लागिं सिमा पालेत वन प्रस्थान याइगु ज्याझ्वः दु ।
वहे बहनी धौख्यःया यःसिं ख्यलय् वनाः सिमा पालेगु व यःसिंयात असोज ६ गते शनिवाः नगर प्रवेश याकीगु ग्वसाः दु । थ्व ल्याखं असोज ११ गते विहीवाः कुमारीया रथ क्वःने सालीगु व १२ गते थःने सालीगु ग्वसाः दु । असोज १५ गते नानिचा याः यानाः बहनी ८ः३७ बजे यःसिं क्वःथली ।
LEAVE YOUR COMMENTS