ने. सं. ११४६ बछलागा चौथी -

बागमतिइ न्हूगु सरकार दयेकेगु तयारी

येँ- नेकपा (समाजवादीं) बागमति प्रदेशय् न्हूगु सरकार दयेकेत गठबन्धनय् आवद्ध दललिसे समन्वय याइगु जूगु दु । म्हिगः च्वंगु संसदीय दलया बैठकं समन्वय यायेगु जिम्मा दलया नेता राजेन्द्रप्रसाद पाण्डेयात बिउगु खँ नेकपा एस संसदीय दलं धाःगु दु । बैठकं उपनेताय् प्रदेशसभा दुजः लिसे पुलांम्ह मन्त्री कृष्णप्रसाद खनालयात ल्यःगु दु । खनालयात मुख्यमन्त्री अष्टलक्ष्मी शाक्यं सामाजिक विकास मन्त्री दयेकूगु खःसा वय्कलं निर्वाचन आयोगय् एकीकृत समाजवादी ल्ययेगु धकाः सनाखत यानादीगु खः । वयां लिपा कन्हय् कुन्हु मन्त्री पदं राजीनामा बियादीगु खः । उकथं हे म्हिगःया बैठकं प्रमुख सचेतकय् मनु सिग्देल व सचेतकय् बसुन्धरा हुमागाईंयात सर्वसम्मत रुपं ल्यःगु दु ।